من أنا ؟

بدأت رحلتي في عالم الفخار في عام 2023، لكنها في الحقيقة امتداد لشغف قديم بالفن والأعمال اليدوية. قبل الفخار، كنت أعبّر عن نفسي من خلال تلوين الأكواب الزجاجية والرسم عليها، ومنذ طفولتي وأنا أجد متعتي في كل ما يُصنع باليد

ومع الوقت، قادني شغفي إلى الطين… إلى عالم حسّيت فيه إن هويتي وايد أوضح، وهوايتي تكبر وتتشكل مثل القطعة اللي بين إيديني. كل يوم كنت أتعلم، وأغلط، وأتطور، لحد ما وصلت للمرحلة اللي أنا فيها اليوم—مرحلة أخلي فيها كل قطعة تحمل جزء من روحي.

ممتنّة من القلب لكل شخص وثق فيني، ودخل معاي هالتجربة من بدايتها لين اليوم. دعمكم هو الشي اللي خلاني أكمل، وأصنع شغلات تترك أثر وتروي قصة